Patenta është një e drejtë ligjore ekskluzive e dhënë për shpikje. Shpikja është një produkt ose proces që ofron një mënyrë të re për të bërë diçka ose ofron një zgjidhje të re teknike për një problem. Patenta ofron mbrojtje ligjore për pronarin.

Shpikja është:

• Zgjidhje e re teknike për një problem teknik të veçantë
• Varietet i ri bimor ose hibrid
• të jetë rezultat i punës krijuese
• të jetë teknikisht i besueshëm
• të aplikohet në industri ose në veprimtari të tjera biznesi.

Me patentë nuk mund të mbrohet shpikje:

• lidhur me speciet e reja shtazore dhe varietetet bimore dhe procedurat thjesht biologjike për marrjen e bimëve dhe kafshëve
• për procedurën kirurgjikale dhe diagnostike ose procedurën për trajtimin e drejtpërdrejtë të trupit të njeriut ose të kafshëve dhe
• publikimi ose aplikimi i të cilëve është në kundërshtim me rendin publik dhe moralin

Shpikjet nuk konsiderohen:

• Zbulime shkencore
• Teoritë shkencore
• Metodat matematikore
• Vepra estetike
• Planet
• Parimet dhe metodat që lidhen me kryerjen e punës mendore
• Aplikacione dhe
• Formularët për dhënien e informacionit.

Kërkesa për njohjen e një patente mund të bëhet nga shpikësi (personi fizik i cili krijoi shpikjen me
punen e tij) dhe trashëgimtari ligjor (personi fizik ose juridik ku e drejta e pranimit të patentës bazohet
në ligj, punë juridike, trashëgimi ose vendim gjyqësor).
Punëdhënësi konsiderohet trashëgimtar ligjor i shpikësit kur në bazë të ligjit apo kontrate pune, i takon
e drejta për patentë për shpikje të krijuar brenda procesit të punës së shpikësit. Nuk konsiderohet
shpikës ai që jep vetëm asistencë teknike në krijimin e shpikjes.

Procedura për shqyrtimin e kërkesës:

• 1.Rregullsia e kërkesës shqyrtohet, pra nëse kërkesa ka të gjithë përmbajtjen ligjore
• 2.Nëse kërkesa është e rregullt, ajo do të regjistrohet në regjistrin e aplikimeve dhe do të shqyrtohet nëse të gjitha tarifat janë paguar
• 3.Do të shqyrtohet nëse subjekti i aplikimit është një shpikje që mund të patentohet. Nëse plotësohen të gjitha kushtet, Enti përfundon dhe i bën thirrje aplikantit të paguajë kostot.

Nëse aplikanti vepron brenda afatit të përcaktuar nga Enti, d.m.th. paguajnë kostot dhe tarifat, Enti do
të vendosë për njohjen e patentës.
Të dhënat nga vendimi për njohjen e patentës regjistrohen në regjistrin e patentave nga dita e miratimit
dhe botohen në Fletoren Zyrtare të Entit brenda 90 ditëve nga dita e vendimit.

Planifikoni një takim me ekipin tonë