Нашиот тим е составен од професионалци од неколку профили: Адвокати, Приправници, Надворешни соработници за даночни прашања, прашања од областа на Нотаријатот и креатори на информативни содржини. Преку разноликоста на нашиот тим, овозможуваме сеопфатен пристап кон предизвиците со кои се соочуваат нашите клиенти.

Главни вредности на нашиот тим се: интегритет и транспарентност, тимска работа, постојано учење и надоградување, експертиза и грижа за клиентите. Нашата мисија е да обезбедиме постојана правна сигурност на нашите клиенти, преку градење на долготрајна доверба и соработка. Нашата визија е да станеме прв избор на претприемачите и иноваторите во земјава и регионот.

Дејан Алексов е адвокат од 01.01.2017 година кога ја основа адвокатската канцеларија Алексов, која во 2022 година во партнерство со адвокат Артан Мемиши прераснува во адвокатска канцеларија Алексов и Мемиши.

Прочитај повеќе

Артан Мемиши, адвокат од 01.10.2020 година. Овластен застапник за заштита на права од индустриска сопственост. Специјализација во неколку области меѓу кои: имиграција и дозволи за престој, државјанство, работни спорови, стечај и ликвидација на фирми.

Прочитај повеќе

"Силата на тимот е во секој поединец, силата на секој поединец е во тимот" - Фил Џексон

Тим

Кристијан Стевчев, адвокат од 01.05.2024 година. Специјализира во неколку области меѓу кои: заштита на лични податоци, договори за развој на софтвер, инвестиции во стартап компании од ангел инвеститори, акцелератори и фондови на ризичен капитал.

Прочитај повеќе

Јелица Мелова е со завршени мастер студии на факултетот Јустинијан Први при УКИМ. Во канцеларијата го реализира својот приправнички стаж за полагање на правосудниот испит.

Прочитај повеќе

Амел Муриќ е надворешен соработник за даночни прашања. Неговата експертиза е во различни даночни области кои го опфаќаат домашното даночно право и меѓународното.

Прочитај повеќе

Павлина е надворешен соработник на адвокатската канцеларија Алексов и Мемиши за прашања од областа на Нотаријатот, заверки и солемнизации на различни видови на договори за територијата на град Скопје.

Прочитај повеќе

Мила Мишовска е соработник за информативни содржини, која правните и комплексни информации од актуелната регулатива ги прави лесно разбирливи.

Прочитај повеќе

Приклучи се на тимот

Секогаш отворени за колеги и соработници кои ја делат нашата визија

Испрати CV

Адвокат

Адвокат, број на лиценца 3981 со прием во адвокатска комора на 01.01.2017 година
Овластен регистрационен агент
Ко-основач и член на управен одбор на Стартап Македонија
Автор на it.mk
Ментор на Стартап Викенд, Fintech Академија и активен учесник во стартап заедницата
Учесник во работни групи за подобрување на регулативата за трговски друштва (воведување на конвертибилен заем, закон за бизнис ангели, предлог иницијатива за воведување друштво со променлив капитал – ДПК)

Специјализација за:

Регулатива и информатичка технологија;
Заштита на лични податоци (GDPR);
Инвестициски постапки за ангели инвеститори, акцелератори и фондови на ризичен капитал;
Стартап компании и регулатива;
FinTech и регулатива (платежни услуги и платни системи, PSD2);
Договори за развој на софтвер и одржување

Био

Во 2016 година заедно со неколку ко-основачи ја регистрираат непрофитната организација Стартап Македонија, која има за цел да го олесни вмрежувањето меѓу сите стартап учесници и да поттикне нивна соработка. Од 2018-2021 е претседател на Стартап Македонија, а од 2021 па наваму е дел од управниот одбор и работи на подобрување на регулативата за стартап компании (воведување на конвертибилен заем, закон за бизнис ангели, воведување нов вид на трговско друштво, друштво со променлив капитал).

Од 2017 година е автор на It.mk – портал за информатичка технологија, на која редовно пишува информативни содржини поврзани со регулативата, информатичката технологија и стартап заедницата.

Во 2023 година е избран за go-to tech lawyer од регионалниот портал за иновации за централна и источна Европа – The Recursive.

Дејан учествува на повеќе настани организирани од заедницата како говорник или ментор на компании, меѓу кои настаните на Стартап Викенд, Финтек Академија, Глобална недела на претприемништво и сл.

Адвокат

Адвокат, број на лиценца 4575 со прием во адвокатска комора на 01.10.2020 година
Овластен застапник за заштита на правата од индустриска сопственост
Ментор на стартап викенд
Автор на almelaw.com

Специјализација за:

Имиграција, работни дозволи и дозволи за престој
Работни односи и работни спорови
Трговски марки, права од интелектуална сопственост
Усогласување на работењето со позитивната регулатива
Ликвидација или стечај на фирми
Право на друштва

Био

Артан Мемиши, адвокат во Адвокатска канцеларија Алексов & Мемиши. Артан е член на адвокатската комора на Северна Македонија од 01.10.2020 година со бр. на лиценца 4575.

Тој раководи со оделот за имиграционо право и права на странци, а исто така специјализира во трговско право, трудово право – работни односи, како и во правата од интелектуална сопственост. Како лиценциран застапник за заштита на правата од индустриска сопственост, тој носи експертиза на своите клиенти, водејќи ги низ комплексноста на заштитата на трговски марки, дизајни и иновациите.

Артан е ангажиран во поттикнувањето на претприемништвото и иновациите во неговата заедница, како ментор на старт-ап викендот во Охрид. Неговиот придонес како ментор ја одразува неговата страст за поддршка на новите бизниси и негување на таленти, истакнувајќи ја неговата посветеност за стартап заедницата.

Во областа на Трудовото право – работни односи, тој советува и застапува многу национални и меѓународни компании, особено во ИТ секторот, обезбедувајќи правна поддршка во изготвување на сложени документи како и застапување во спорови со работни односи. Артан има работено на повеќе од 100 судски работни спорови, каде што покажува успех застапувајќи ги клиентите.

Една од областите во фокус е имиграционото право и правата на странците. Експертизата на Артан вклучува адвокатски услуги за странци во врска со добивање на дозвола за престој и работни дозволи во Северна Македонија како и добивање и отпуштање од македонското државјанство.

Покрај неговата експертиза за имиграционо право и деловно право, Артан е добро упатен со процесот на затворање на компании преку стечај или ликвидација.

Артан зборува албански, македонски и англиски.

Адвокат

Области на специјализација:

Состав на правни мислења;
Усогласеност со Закон за заштита на лични податоци;
Состав на Договори за развој и поддршка на софтвер и нови алатки;
Состав на интерни акти за усогласеност со Закон за работни односи;
Состав на документација за усогласеност на веб страна;
Оставински постапки;
Договори за купопродажби и дар;

Био

Започнувајќи од 01.04.2022 година Кристијан работи како стручен соработник во адвокатска канцеларија Алексов и Мемиши каде што започнува со изготвување на документи за основање на трговски друштва, поднесување на различни апликации за промени во трговските друштва пред ЦРМ како и состав на потребна интерна документација на трговските друштва со цел нивна усогласност со Законот за работните односи.

Кристијан работи и на постапки за наплата на долгови, оставински постапки, состав на различни договори во согласност со Законот за облигационите односи како и опсежно истражување на одредена област за состав на писмени правни мислења.

Истражувајќи ја проблематиката за заштита на личните податоци во согласност со Регулативата за заштита на лични податоци како и Законот за заштита на лични податоци, започнува со изработка на интерни акти со кои компаниите во Македонија ги регулираат своите интерни процеси и усогласеност со заштитата на лични податоци. Поврзано со ова, за компаниите кои се присутни со своја веб страна, Кристијан изработува Политика за приватност, Политика за колачиња како и Услови за употреба на веб страна кои се важни документи со цел усогласеност со ЗЗЛП.

Кристијан специјализира и во изработка на договори за развој на софтвер, договори за развој на нови функционалности во постоечки софтвер како и договори за поддршка и одржување на софтвер.

Во 2023 година има учествувано како ментор на хакатон организиран од страна на #Ways2Help каде што со своите правни совети и критики придонесува за правна усогласеност на идеите развивани од тимови.

Од 01.05.2024 година започнува да работи како адвокат во адвокатската канцеларија со број на лиценца 4940.