Закон за финансиска поддршка на инвестиции

ШТО ПРЕСТАВУВА ЗАКОНОТ ЗА ФИНАНСИСКА ПОДДРШКА И КОЈА Е НЕГОВАТА ЦЕЛ?

Со законот за финансиска поддршка се уредуваат видовите, висината, условите, начинот и постапката за доделување на финансиска поддршка на инвестициите на деловните субјекти кои ќе инвестираат во РСМ.

Целта на овој закон е поттикнување на економскиот раст и развој во државата.

СУБЈЕКТИ КОИ МОЖАТ ДА БИДАТ КОРИСНИЦИ НА ЗАКОНОТ ЗА ФИНАНСИСКА ПОДДРШКА:

Субјекти кои започнале или планирале продуктивна почетна инвестиција.
Вкупните приходи од работењето во последната година да се поголеми од просекот во претходните 3 години.
Бројот на вработени во последната година да не е помал за повеќе од 5% од просекот во претходните 3 години.
Корисници на финансиска поддршка можат да бидат деловни субјекти од кожарска-преработувачката и текстилната индустрија како и деловни субјекти со наменско производство (вооружување и воена опрема).

МЕРКА БР.1 ФИНАНСИСКА ПОДДРШКА ЗА НОВИ ВРАБОТУВАЊА

Наменета за државјани на РСМ
Треба да се исплаќа месечна нето плата која е најмалку 50% повисока од минималната нето плата
20% од исплатената месечна нето плата. Максималниот годишен износ за едно вработување е 4.400 евра.

Најмалку 50% од нововработените лица во текот на годината за која се бара финансиска поддршка, треба да исплонуваат најмалку еден од следниве услови:

најмалку три месеци пред вработувањето да немале засновано работен однос и најмалку 12 месеци пред вработувањето да не биле вработени кај корисник на финансиска поддршка,
прв пат да засноват работен однос,
работниот однос да им престана порати отворање на стечај или ликвидација,
непосредно пред вработувањето да бил вработен во државна институција.

МЕРКА БР.2 ФИНАНСИСКА ПОДДРШКА ЗА ВОСПОСТАВУВАЊЕ НА ОРГАНИЗАЦИОНИ ОБЛИЦИ ЗА ТЕХНОЛОШКИ РАЗВОЈ И ИСТРАЖУВАЊЕ

Се доделува за воспоставување на одделенија, центри или друг облик, во кое се реализираат истражувачки и развојни проекти или се ангажира високо квалификуван персонал со цел стекнување на нови знаења и вештини за развој на нови производи
50% од вкупно оправдани трошоци за индустриско истражување
Се исплаќа за период не подолг од 5 години
Оправдани трошоци:
Персонални трошоци
Трошоци за инструмент и опрема
Трошоци за згради и земјиште
Трошоци за договорно истражување, техничко знаење и консултантски услуги.

МЕРКА БР.3 ФИНАНСИСКА ПОДДРШКА ЗА ПОРАСТ НА КАПИТАЛНИ ИНВЕСТИЦИИ И ПРИХОДИ

се доделува за инвестициски вложувања за набавка на нови машини и опрема и/или за инвестиции во објекти и земјиште неопходни за дејноста на деловниот субјект
10% поврат на инвестиција, но не повеќе од 1.000.000 ЕУР
максимален период за поддршка: 5 години

МЕРКА БР.4 ФИНАНСИСКА ПОДДРШКА ЗА ЗГОЛЕМУВАЊЕ НА КОНКУРЕНТНОСТ НА ПАЗАРОТ

Се доделува за деловни субјекти кои ја зголемиле својата конкурентност на пазарот:

Се најмногу 10% од оправданите инвестициски трошоци
најмногу 5.000.000 евра за период од 5 години (1.000.000 евра годишно)
пораст на приходите од работење за најмалку 5% повеќе од просекот во претходните 3 години

ДРУГИ ВИДОВИ ФИНАНСИСКА ПОДДРШКА СЕ:

Финансиска поддршка за преземање на деловни субјекти во потешкоти;
Финансиска поддршка за инвестициски проекти од значаен економски интерес за РСМ;
Финансиска поддршка за субјекти основани од државјани на РСМ со постојан/привремен престој надвор од РСМ.

ПОСТАПКИ ЗА ДОДЕЛУВАЊЕ НА ФИНАНСИСКА ПОДДРШКА:

За инвестициски проекти во ТИРЗ се поднесува барање до ДТИЗ
За инвестициски проекти надвор од ТИРЗ се поднесува барање до Агенција за странски инвестиции

За доделување на финансиска поддршка, деловниот субјект најдоцна до 31 мај во тековната година се поднесува барање за доделување на финансиска поддршка до надлежните органи.
Кон барањето се доставува: Писмо на намери, деловен план за инвестициски проект и финансиски извештаи за последните три години или за пократок период во зависност од датумот на кој субјектот е основан.